上週Market Update講到如果美國聯儲局展開「減息周期」並且從回 0%利率嘅話，美國股市都唔會有運行。不過市場開始有聲音認為，聯儲局可能會將利率維持高水平一段較長時間。
*了解「高利率」可能性之前，我哋要簡單了解下聯儲局加減息背後邏輯：*
美國經濟好時，民眾消費力提高引發通脹升溫，聯儲局會加息，令民眾存款率增加，企業經營成本增加，從而壓抑通脹。
相反美國經濟轉差時，民眾失去消費意欲，企業營利下滑又冇錢投資，聯儲局會減息，鼓勵民眾及企業借貸，刺激經濟。
再簡單啲，即係經濟好加息，經濟差減息。但係美國係疫情期間因嚴重通脹而被迫提早加息，當時美國經濟頂多只能夠形容為「 復甦階段」。到現時美國無論係零售業、製造業、就業率都係處於非常健康水平，宜家經濟向好，息又加埋，處於一個特別嘅利率周期，所以有人估計聯儲局會將利率維持高水平，以平衡經濟和通脹。
雖然加息依段時間股市升左唔少，但如果維持高利率，都未必能夠利好股市。由於債券和固定收益資產可以提供更具吸引力嘅回報率，投資者對股票市場風險偏好可能降低，所以投資係債券和固定收益資產嘅產品好值得留意。
*英鎊兌美元 (GBP/USD) 突破阻力 阻力線變支持線*
英鎊兌美元 (GBP/USD) 7月10號突發Market Update美國聯儲局主席鮑威爾稱美國減息不需要等待通脹到2%水平，當日非美貨幣立即出現升勢， 尤其英鎊出現較明顯上升趨勢， 現時已突破過去兩個前頂，而阻力線現已變成支持線，10號至今已經錄得1.41% 升幅，上望下一個高位1.314，而跌穿1.284則有機會於1.273至1.29之間徘徊。最新六月CPI通脹數據亦低於預期， 美國10年孳息率亦跌返去4.2%以下，種種跡象說明，美元大機率不再強勢。
而我地喺6月16號Market Update 亦提及過，高息定期存款即將進入終極尾班車，好有可能好快就唔會再有咁高息嘅定期，如保險公司有預繳保費鎖定利率計劃，配合可以事先選擇其他非美貨幣， 除咗能夠鎖定未來五年高息存款利息，亦能賺取外幣升值之潛在價值。